Jireh Media

Click on the picture to watch the trailer

Nfèꞌ mucàr tɛ à yɛ rliŋshi embe ndap rluŋ Jairɛ̀ ce yu ghàghar mini ce a fèŋshi ne mu mcɛ̌r njo embe ŋgo ŋwàꞌ Nyʉ̀ ce

Kòlosèe 4:6 Yɛ enɛ wee blàa vi yu bbòŋboŋ, a ker ce lèe àmbò mgwaŋ waꞌa. Nwɛ̀ aꞌ bipshi yuu nè wèe ghèter beesi ne ye à njǐ mbòŋmboŋ.

MU NSUŊ ÀMBÒ WÈR

Ndap rluŋ ce a too enɛ Jairɛ̀ na a rlii ce wèr a ce njobeꞌ wèr ce yɛ mnòŋ wɛɛwɛ àmbò Nyʉ ce tomi lii rfàꞌ. Wèr àmbò yi ŋgǎ mfàꞌ, wèr à ce à rfàꞌ ne ye manji enjep rbìsì vep blàa ba à ryɛꞌnè ker ba à manjì bèe a yɛꞌne vep blàa. Yi wèr yu enɛ̂; “M rìŋ nè mini ŋwɛ̀ enɛ yuu moꞌ yi yu ce àdeꞌ yi gapsi sèe efa rkòŋni ce Nyʉ̀ kòŋ sèe na kaꞌ. Kɛ̀ yu rkwe ɛ̀, kɛ̀ yu rlùŋ ɛ̀, kɛ̀ yu pcindap Nyʉ̀, kɛ̀ yu mnyʉ̌mkàꞌ ɛ̀, kɛ̀ yu bu ce vi yu àgho sèꞌni na ɛ̀, kɛ̀ yu ba vi embe bùu ɛ̀, kɛ̀ yu ba vi enjep mʉ nshe ɛ̀, kɛ̀ yu ba yuu moꞌ efa buu ce Nyʉ̀ à m gèe ɛ̀, yuu moꞌ yi yu ce àdeꞌ yi gapni sèe efa rkòŋni ce Nyʉ̀ kòŋ sèe njoꞌ Jisòs Krǎis ce e yu Tata nè sèe na kaꞌ.” Rûm 8:38-39.

A bèesi mbʉꞌ ŋwàꞌ ca à limbùm ce yi yu enɛ àdeꞌ à koni buu embe mŋkwa ca à rli ca ce yi yu yà ma rli.

Ku jo mbʉ̀ ŋwàꞌ ce yi see gòr na yi be càŋse wɛ̀ mbe dìʼ ce à bee yɛ buu mòʼ jɛjɛ̀jɛ. À bee yɛ njep yer ŋkùp mliŋshi tɛ à yɛ mndě ŋgòŋ bòŋboŋ ba pfutù mmoꞌ. Mbena foŋ wèr bee gàp wèe sèe wèe mu bbuu jɛjɛ mluŋ ce a yɛ àmbò rliŋshi Jisòs ba, mcɛ̌r embe ŋwàꞌ Nyʉ̀, mmer mcɛ̌r, ba byɛ ce a ce yɛ ker ba bghàghar àmbò bèe ba buu ce vi koni. Buu byuꞌshi àmbò Lèꞌ fe à Limbùm, mcɛ̌r à Limbùm mbe rluŋ ker ba pyɛ Nyʉ̀ ce à be yuꞌshi tɛ yuꞌ rbòŋ àgho. À bee yɛ foŋ mŋwàꞌ mbʉ̀ ŋwàꞌ Limbùm ba bâp. Yer mŋwàꞌ, mŋwàꞌ ryɛꞌnì, ba rfàꞌ ce a ce gèe à rbèesi mŋwàꞌ moʼ ker yɛ foŋ yer pfù mŋwàꞌ mnsuŋ.

Jò mbena su njep nshè.